由細到大，每次行過尖沙咀海旁嘅時候，都會被一隻紅色嘅中式帆船吸引。小編對呢一隻船嘅認知，一直停留係「旅發局logo」、「遊客景點」呢一個層次，可能係一直都無機會更加親身地去了解呢一隻船：「鴨靈號」嘅過去。 「鴨靈號」係香港碩果僅存嘅中式帆船，佢嘅上半生係一隻水上人嘅捕蝦船。因為傳統捕蝦操作對環境破壞極大，所以政府立法禁止呢類船隻操作，自此鴨靈號就變成遊客景點，每日係維多利亞港中穿梭往來，成為香港嘅標記之一。 小編尋日係facebook見到鴨靈號推出優惠，30分鐘維港遊收費$50起。為咗滿足多年來嘅好奇心，二話不說就網上訂飛，今日出海一睹其廬山真面目！ 係船上面有幸遇上船公司嘅業務發展總監 Charlotte，佢細心咁講解「鴨靈號」嘅「前世今生」，同埋發展歷史。經過佢嘅一番講解，我先至知道原來呢隻船同旅遊發展局係一啲關係都無的，完完全全係一間私營嘅中小企，為保存香港珍貴嘅歷史而係度努力奮鬥中。 疫情稍為緩和，旅行有冇得去但又天朗氣清嘅5月，不妨花少少錢嚟體驗吓係自己屋企做遊客嘅樂趣！ 票價（特別優惠）： 日航－$50 夜航－$70 幻彩詠香江特別班次－$100 2小時文化體驗工作坊 － $170 網上訂票：www.dukling.com.hk
Asia 亞洲
生態危機：長灘島封島5個月| Boracay Shut-down for 5-months
菲律賓政府宣佈由4月26日起封閉長灘島(Boracay), 以進行生態保育及環境復修工作。 封島會持續到9月30日止。(或會延長) 如已訂購菲航或宿霧太平洋航空前往Kalibo或Caticlan的機票，請聯絡航空公司申請退款。Skyjet及Air Asia並無退款安排。 Philippine’s top tourist destination – Boracay will be closed to visitor beginning Apr 26th this year, aiming to rehabilitation the Island’s destroyed natural environment. The closure of the Island is expected to last till 30th Sep, and it may be extended. If you have already bought your ticket to […]
Sri Lanka South 南斯里蘭卡全攻略 – Day 2
離開首都可倫坡後向東南行130公里（約2小時車程) 就會抵達加勒古城。加勒古城是聯合國世界文化遺產，現有嘅城牆係由荷蘭人係1663年開始建造。古城內依然保留有大量古荷蘭和葡萄牙建築，踏入城牆後就彷彿回到過去，眼前一切景象都會令遊客產生自己離開咗斯里蘭卡嘅錯覺。 又荷蘭，又葡萄牙，媽呀，我好混亂呀！其實加勒原本係一個葡萄牙殖民港，但葡荷兩國係1661年係印度洋爆發戰爭。結果葡萄牙戰敗，根據協議就將加勒割讓比荷蘭，荷蘭人接手後就快速發展加勒港，並且興建城牆同埋大量嘅建築物。1796年英國佔領斯里蘭卡，但並無係佔領後破壞原有荷蘭建築，反而仲加以保護，令到後世有機會一睹古荷蘭建築嘅風采。 130km Southeast of Colombo (2hrs drive) is where the famous UNESCO site – Fort Galle is located. Fort Galle were built by the Dutch in 1663, a large number of both Dutch and Portuguese structure still stood inside the fort today. Stepping inside the wall of Galle, will bring you back in […]
Sri Lanka South 南斯里蘭卡全攻略 – Day 1
斯里蘭卡係一個近年新興嘅旅遊點，隨著機票價錢越來越平，對呢個地方有興趣嘅朋友都越來越多。但斯里蘭卡係一個相當大嘅國家，一般香港人嘅請假模式，比較難一次過玩晒成個國家。所以小編今次就為大家安排一個5日4夜嘅斯里蘭卡南部旅程，根據我嘅經驗，等大家玩盡每一個景點。 Popularity of Sri Lanka is on the raise in recent years, due to calmer political atmosphere and cheaper air fares. However this is a vest country with poor infrastructures, covering the entire nation in one go might be too time consuming for most travellers based in Hong Kong. Hence I’ve put together this 5days4nights […]
Kinmen, Taiwan
與廈門一水之隔嘅金門，多年來都係國共內戰嘅前線。但隨著兩岸近年關係暖化，金門島上大量1－200年歷史的閩南建築群就成為了熱門的旅遊點。 水頭一家親民宿是一家位於大金門水頭聚落的閩南建築，民宿所在的這座建築物據說已有超過100年歷史。館主細心的將歷史建築重新佈局，保留了歷史元素外，亦為現代的住客提供了必須要的舒適。浸淫在百年時光餘韻中，既簡單又美好。 Kinmen was (and still is) the frontier of the Chinese Civil war between the communist PRC and the capitalist ROC. Located just off the coast of Xiamen of China, Kinmen has today been transformed into a hot tourist destination due to the softened relationship between the both countries, and also because of the […]
Sofitel Metropole, Hanoi, Vietnam
巴黎? 非也，這裡是位於越南首都河內的索菲特大酒店。這座法國味道濃郁的酒店建於1901年，由當年的法國殖民者建造。在這裡，你可以感受到一百多年前的殖民地風情，感覺就像穿越了時空到達了巴黎一樣。 Paris? Nah, this is Sofitel Legend Metropole Hotel, located in the Vietnamese capital city Hanoi. This French architect was built in 1901 during the French colonial era; here you may travel in time to indulge yourself in the amazing colonial atmosphere, it literately felt like Paris from the 18th century. 如何前往 Getting […]
White Beach, Boracay, the Philippines
白沙海灘 (White Beach) 位於菲律賓中部的長灘島，全長約4公里。沙灘旁邊開滿酒吧及旅館，消閒娛樂24小時運作，其獨特的幼滑細沙更是蜚聲海外的一大賣點。 White Beach is located on Boracay in Central Philippines, famous for its 4km long beach. Night clubs, restaurants and hotels scattered through out the edge of the beach, providing round-the-clock entertainment; ofcourse the soft fine white sand is the biggest attractin of all. 如何前往 Getting there 經長灘島機場 via Boracay/Caticlan Airport: […]
軍艦島 － 登島全攻略!
自從小編去完日本之後，就不停有人問我關於軍艦島嘅information，一個一個答我不如出個攻略啦。 軍艦島 (Hashima Island)，原稱端島，屬於九洲長崎市嘅一個外島。在明治時代因開採煤礦而一度興盛的端島，在礦場關閉後逐漸荒廢成為無人鬼城。長崎市政府在2014年起到上面興建咗一啲較為安全嘅行人棧道之後，就容許3間旅行社每日每間提供2個登岸day trip。 出發前往軍艦島得1個方法：跟團，自行登島除非得到政府許可，否則係違法嘅行為，最高罰款200000yen。 一般day tour 都係分開上下晝2個團，朝早團就9-10am 出發，下晝團就1-2pm 出發。成個tour 大約3小時，登島時間大約1小時左右。我今次參加嘅係 Gunkanjima Concierge (軍艦島コンシェルジュ) 嘅行程，早上團10:30出發，費用每人4300yen，經已包括登島費用。因為day tour 相當受歡迎，建議最少2個月前在官網留位，可以用信用卡網上付款。 上船地點有2個，一個係長崎市常盤港，另一個係伊王島港，後者離開長崎市相當遠，唔係自駕遊的話絕對唔建議。若果住係長崎市中心購物街附近的酒店，常盤港行路都去到。若果需要搭電車的話，就係「大波止」站落車，步行2分鐘即達。 行程出發前建議食飽飽同埋買定水先，因為跟住個3粒鐘除咗西北風之外，屎都冇得你食。係大波止站隔離就有一家西式餐廳，早餐300yen一位起，望住長崎港食早餐，個人都精神啲，同埋day tour 報到處就係呢間餐廳樓下。 報到時旅行社會要求你簽一張寫晒日文嘅嘢，個張嘢簡單啲講就係你死咗唔關旅行社事，即係一張生死狀，但係其實個島條棧道離開危樓超遠，咁都死你都應該係時辰到。去到報到counter，counter 會要求睇你嘅confirmation email。之後佢見你係外國人，就會比一張寫住英文嘅”boarding pass”你掛係頸。拎咗boarding pass 之後，個個唔識講英文嘅counter 會係咁同你講一堆日文，其實係問緊你要唔要租個講普通話或者英文嘅導賞錄音器，因為去到島上面個導遊係全程講日文的。 搞掂晒你就可以去登船橋旁邊排隊，早排隊的鳥兒有魚食，因為隻船嘅上層係開放式設計的，當隻船駛到軍艦島係會圍住個島行2個圈的，坐上層就可以無阻擋咁影靚相啦！ 由常盤港出發去到軍艦島航程大約30－40分鐘，途中會經過好多三菱重工嘅船塢。呢啲船塢就係當年守衛香港嘅加拿大長槍隊被俘虜後係日本做苦工嘅地方 *respect*，當年有唔少被擄嘅加拿大同埋義勇軍成員係長崎做苦工嘅時候犧牲。其實見到呢度呢啲船塢嘅心情係好沉重的，特別係船上面個電視不停地播放歌頌名古屋重工業嘅歷史，但係隻字不提當年受過難嘅戰俘，但呢度係佢哋主場，都無計。 去軍艦島（應該話去長崎)旅行，對於華人來講應該係屬於dark tourism，同去德國集中營、柬埔寨killer field、越南戰爭博物館沒有什麼差別，唯一唔同嘅就係個tour 唔會同你講呢度過去死過幾多人，包括日本人。成個行程不停歌頌三菱重工係軍艦島採煤對日本嘅經濟貢獻，個啲什麼不屈不撓嘅日本精神云云。事實嘅真相就係軍艦島係日本政府虐待政治犯同埋侵略地囚犯嘅地方，當年日本佔領朝鮮後，軍艦島頂點時有成3000個朝鮮政治犯被當成奴隸在軍艦島工作，有命回到朝鮮的卻沒有幾多個。 40分鐘後船去到軍艦島，因為都外海咁滯，所以浪都係唔細的。船長會圍住軍艦島轉2個圈比大家影相。根據其他人所講，因為軍艦島所在海域風浪相當難預測，所以有1／4機會會上唔到岸，原船遣返。我去個日雖然落住毛毛細雨，但係天公係上岸一刻做美，停雨停浪。 上岸後導遊就會馬拉松式不停講解，但係因為我一句日文都唔識聽，所以可以唔理佢四圍行影相，佢見你戴住外國人boarding pass都唔會理你。成條棧道全長約1公里左右，只係圍住東南部，占個島嘅海岸線1／8都無。棧道距離危樓亦都有一段距離（安全問題)，想影靚相建議帶長焦距鏡頭。成個trip就係啲日本人有日本人聽，外國人有外國人四圍走。除非你對軍艦島同長崎嘅歷史一無所知，否則呢個會係一個相當沉重嘅trip，我建議大家去完軍艦島可以去原爆紀念館，咁樣可以將所有嘅沉重感覺group 埋一日，唔駛分開2日受。 返到常盤港大約會係13:30，大家應該肚餓想去揾嘢食，買咗閃閃書嘅應該會去長崎港食sashimi：「千祈唔開去」，「千祈唔好去」，「千祈唔好去」，很重要所以要講3次。除非你想比千兩嘅價錢食爭鮮嘅嘢，唔係「千祈唔好去」。（很重要所以講多次） 如何前往 Getting there 旅客可以經過長崎或福岡空港前往，其中只有福岡空港提供國際航班服務。 簽證須知 Visa Requirements 持有以下護照人士可免簽證入境 Visa Waiver is granted […]