來往倫敦市中心同Gatwick(LGW)機場之間，好多人都會選擇乘搭Gatwick Express呢條機場鐵路，30分鐘不停站直達London Victoria Station。但其實好多人都唔知道，係同一條路軌上面，係有普通嘅Thameslink/Southern Rail 以30分鐘一班嘅密度通勤，而且只係比Gatwick Express停多2個站，總行車時間多5分鐘而已。 而個重點係：Thameslink 比 Gatwick Express 可以平超過1/3! 我哋以2019年5月1號嚟做例子，11:23分開出嘅Gatwick Express總行車時間為27分鐘，最平票價為每位GBP17.8；而Southern Rail只係遲GX4分鐘開出，中行車時間多5分鐘，但係票價就足足每位平咗GBP5.8（32.5%），成個麥當勞餐咁滯，若果同行多幾個人，條數都幾襟計。 講咗咁耐，又話有得免費升去搭頭等嘅？ 其實源於Gatwick同London City Centre之間嘅火車服務其實屬於Thameslink 700嘅一部分，而Thameslink就係舊年（2018年）宣佈咗所有Thameslink 700服務嘅最尾一卡頭等都會「declassified」，即係任何艙等嘅持票乘客都可以坐。 Thameslink 700火車服務，頭尾2卡分別都係頭等車廂，但任何時候都只會係車頭嘅一卡限制頭等車票持票人使用，而最尾一卡頭等就可以隨便任何乘客使用。係倫敦市區內任何一個Thameslink 車站嘅月台上面，都會裝有顯示板顯示下一班列車共有幾多節車廂，同埋邊一卡係頭等。只要你確定螢幕上面最尾個一卡無個「1st」字，你就可以憑2等車廂票價，免費乘搭頭等啦！ 唔單止 Southern Rail嘅London Victoria Service，Great Northern/Thameslink 嘅 St. Pancras – Gatwick Airport 服務一樣得，若果你係St. Pancras附近，就唔使特登拎住啲行李搭tube去 London Victoria 搭火車啦！ 各服務訂票網址： London Victoria，City Thameslink, London Euston 出發 － Southern Railway – www.southernrailway.com London St. […]
from Hong Kong to the world.